Paytaxt ərazisində binaların həyətində piyada səkiləri zəbt olunub. Bu haqda bu gün, 29 sentyabr tarixində Bakuplus.az ATV-yə istinadən xəbər verir.
Sabunçu rayonu, Bakıxanov qəsəbəsi, Əhmədbəy Ağayev və Yasamal rayonu, Səyfəddin Dağlı küçələrində binaların qarşısı hasarlanaraq özəl mülk kimi istifadə olunur. Piyadalar da özlərini təhlükəyə ataraq avtomobil yoluna çıxmağa məcbur olurlar.
Bildirilir ki, belə bir vəziyyətə, əsasən, Sabunçu, Nəsimi, Nizami və Yasamal rayonlarında rast gəlinir.
Rəsmi qurumlar məsələ ilə bağlı qeyd ediblər ki, qanunsuz hasarlanmış ərazilər mütəmadi olaraq yoxlanılır və ləğv olunur. Sözügedən ərazilərdə də hasarlar söküləcək.
[caption id="attachment_72120" align="alignnone" width="640"]
Foto ATV-nin rəsmi Youtube kanalı[/caption]
