Sosial şəbəkələrdə Bakıdakı evlərə pulla qeydiyyata salmaqla bağlı elanlar paylaşılır. Bu haqda bu gün, 21 fevral tarixində Bakuplus.az Xəzər Xəbər-ə istinadən məlumat verir.
“Bakıda qeydiyyata düşmək istəyənlər zəng etsinlər, həll edək”, - bu kimi yazılarla paylaşılan elanlar sosial şəbəkələrdə son vaxtlar tez-tez görünür.
Belə ki, müraciət edən şəxslə öncədən dəqiq gün müəyyənləşdirilir. Sonra isə şəxsiyyət vəsiqəsi ilə birlikdə həmin şəxs elan sahibi ilə “ASAN Xidmət”ə yaxınlaşaraq sənədləşmə işlərini həll edir. Bu proses üçün köhnə şəxsiyyət vəsiqəsi ilə 400 AZN, yenisi ilə isə 300 AZN ödəməlisən.
DİN məsələ ilə bağlı bildirib ki, formal olaraq burada qanun pozuntusu yoxdur, ancaq vətəndaşın həmin mənzildə yaşamadığı məlum olarsa, bu, qanun pozuntusu kimi dəyərləndiriləcək.
Daha öncə Bakıda müvəqqəti yaşayan vətəndaşların yaşadıqları mənzildə qeydiyyatdan keçmələrinin lazım olduğu barədə məlumat verilmişdi.
[URIS id=91434]
