Bakının Binəqədi rayonu, 7-ci mikrorayon, Abay Kunanbayev küçəsində gül mağazası qarşıda olan avtobus dayanacağının yerini və səkini zəbt edib. Bu haqda bu gün, 17 oktyabr tarixində Bakuplus.az Bakı Gündəliyi Facebook səhifəsinə istinadən məlumat verir.
Mağaza həmin yerdə satdığı məhsulları – gül, dibçək, dibçək torpağını səkiyə düzüb, piyadanın yolunu daraldır.
“Səkidə iki nəfər yan-yana hərəkət edə bilmir. Hələ səki kifayət etməyib, yolda dayanacağa aid nişanlanma xəttinin üzərində də dibçək, əklil yerləşdirilir”, – deyə sakinlər şikayət edirlər.
Problemlə bağlı sakinlər Yerüstü Nəqliyyat Agentliyinə, Bakı Şəhər İcra Hakimiyyətinin Ticarət və Xidmət Departamentinə müraciət etsələr də, hələlik dəyişiklik yoxdur.
