Vətən müharibəsi şəhidi Ələkbər Ələsgərovun əziz xatirəsi yad olunub. Bu haqda 17 fevral tarixində Nəsimi Rayon İcra Hakimiyyəti məlumat verib.
Mərasim ailə üzvləri və Nəsimi rayon ictimaiyyətinin nümayəndələrinin iştirakı ilə keçirilib. Ələkbərovun və bütün şəhidlərin xatirəsi bir dəqiqəlik sükutla yad edilib, məzarı üzərinə gül-çiçək dəstələri düzülüb.
Ələkbər Ələsgərov 3 sentyabr 1998-ci ildə Bakı şəhəri “Kubinka” adlanan ərazidə anadan olmuşdur. O, Azərbaycan Dənizçilik Kollecinin məzunudur. Nişanlı idi.
1 oktyabr 2020-ci ildə Füzulinin Alxanlı kəndi uğrunda döyüşlərdə qəhrəmancasına şəhid olub. Hökməli qəbiristanlığında dəfn edilib. O, ölümündən sonra "Vətən uğrunda" və "Füzulinin azad olunmasına görə" medalları ilə təltif edilib.
[URIS id=33857]
