Bakının 202 nömrəli tam orta məktəbinin siniflərində hər sinifdə 24 uşaqdan ikisi ya inkişafdan geri qalır, ya da autizm və ya daun sindromundan əziyyət çəkir. Bu uşaqlar inklüziv təhsil layihəsi çərçivəsində sağlam uşaqlarla birgə təhsil almaq imkanı əldə edirlər. Bu haqda 26 sentyabr tarixində Xəzər Xəbər reportaj çəkib.
Sağlam uşaqlar kimi sağlamlıq imkanları məhdud uşaqlar da eyni təhsil hüquqlarına malikdir. Təhsilin bu cür əlçatanlığı inklüziv təhsil layihəsi ilə təmin edilir. Layihə çərçivəsində diaqnozu olan uşaqlar sağlam uşaqlarla birgə təhsil almaq imkanı əldə edirlər.
Həmin uşaqlarla işləməkdə müəyyən xüsusiyyətlərə baxmayaraq, onlar ümumi təhsil sisteminə cəlb olunurlar. Bu, sağlamlıq problemləri olan uşaqlara məktəb proqramını daha fəal öyrənməyə kömək edir. Digər uşaqlar Xüsusi qayğıya ehtiyacı olan uşaqları öz dostları və sinif yoldaşları kimi qəbul edirlər.
Təhsil İnstitutunun əməkdaşı Həbibə Nəzirova bildirib ki, ümumilikdə inklüziv təhsil layihəsi çərçivəsində belə təlimlərə 10 rayon üzrə 22 təhsil müəssisəsi cəlb olunub.
Azərbaycanda “İnklüziv Təhsil Layihəsi”nin icrasına 2005-ci ildən başlanılıb. Yüksək keyfiyyətli inklüziv təhsilin inkişafı üçün mütəmadi olaraq maarifləndirici tədbirlər keçirilir.
[caption id="attachment_71608" align="alignnone" width="640"]
Foto Xəzər Xəbərin rəsmi Youtube kanalı[/caption]
