Bakıda kustar üsulla çəkilmiş qaz xətti böyük fəlakətə səbəb ola bilər. Bu haqda BakuPlus.az ATV Xəbərə istinadən bu gün, 29 iyul tarixində xəbər verir.
Xətai rayonu, General Əliağa Şıxlinski küçəsində kortəbii yolla çəkilən qaz xətlərinin sızma təhlükəsi var.
Sakinlərin sözlərinə görə, xəttin çəkilməsini “Azəriqaz” İB-nin əməkdaşları həyata keçiriblər. Onlar əlavə edib ki, burada bir dəfə hətta partlayış da baş verib. Bina sakinlərinin zəngindən sonra qəzanın səbəbləri aradan qaldırılıb.
Qeyd edək ki, heç bir icazə olmadan qaz xətti çəkən fiziki şəxsləri 200 manatdan 400 manatadək, hüquqi və vəzifəli şəxsləri isə daha yüksək məbləğdə cərimə gözləyir.
“Azəriqaz” İB-nin İctimaiyyətlə Əlaqələr şöbəsinin rəisi Eldəniz Vəliyev bildirib ki, qeyd olunan əraziyə baxış keçirildikdən sonra açıqlama veriləcək.
[caption id="attachment_54450" align="alignnone" width="300"]
Foto Atv-nin rəsmi Youtube kanalı[/caption]
