Nəsimi rayon İcra Hakimiyyətinin təşkilatçılığı ilə rayonun müxtəlif tibb ocaqlarında az təminatlı ailələrin göz müayinəsi təşkil edilib. Bu haqda BakuPlus.az Nəsimi Rayon İcra Hakimiyyətinə istinadən bu gün, 28 aprel tarixində xəbər verir.
Tədbir SSRİ Tibb Elmləri Akademiyasının akademik M. İ. Averbax adına mükafatı laureatı, əməkdar elm xadimi, akademik Zərifə Əziz qızı Əliyevanın anadan olmasının 99 illiyi ilə bağlı keçirilib.
Batıgöz Göz Klinikasında ixtisaslı həkimlər-Uzman həkim-oftamoloq Şərəf Öyrətmənoğlu və uzman həkim-oftalmoloq Gülnar Sultanova tərəfindən sakinlərin görmə qabiliyyətləri müəyyən edilib, gözlərdə miopiya, hipermetropiya və astiqmatizm kimi xəstəliklər yoxlanılmış, eynək lazım olub-olmadığını müəyyən etmək üçün refraktometrin köməyi ilə ölçmələr, göz dibi təzyiqinin və hansısa xəstəliyin əlamətinin olub-olmaması yoxlanılıb.
Həkimlər görmə problemi olanlara yerindəcə müəyyən tibbi xidmət göstərib, məsləhətlər və ambulator müalicə üçün müvafiq reseptlər verilib.
