Bakıda sürücü avtomobili ilə küçə boyu arxa-arxaya hərəkət edib. Bu haqda BakuPlus.az Baku.WS-ə istinadən bu gün, 8 aprel tarixində xəbər verir.
Paytaxtın Mirzəağa Əliyev və Füzuli küçələrinin kəsişməsində qaydaları kobud şəkildə pozan “Mercedes” markalı avtomobil arxa-arxaya hərəkət edib.
Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov ətrafdakıların da həyatı üçün təhlükə yaradan sürücü barədə açıqlama verib:
“Çox güman ki, sürücünün bu yola necə girdiyi aydınlaşdırılmalıdır. Bu istiqamətdə sürücünün nəqliyyat vasitəsinin geri hərəkət etdirərkən təhlükəsizlik tədbirləri görülməlidir. Bizim tərəfimizdən raport tərtib ediləcək. Həmin sürücünün aşkarlanması üçün tədbirlər görüləcək”.
