Bakının Nəsimi rayonu, Möhsün Sənani küçəsində yaşayan vətəndaş qanuni parkinq ərazisində özü üçün yer özəlləşdirib. Bu haqda 23 iyun tarixində Oxu.az məlumat verib.
Yayılan fotoşəkillərdə dar küçədə dayanan avtomobillər arasında yerlərdən biri boş qalıb. Bildirilir ki, qanuni dayanacaqda ev sakinlərindən biri qıfıl vuraraq digər nəqliyyat vasitələrinə süni maneə yaradır.
Məsələ ilə bağlı Daxili İşlər Nazirliyinin (DİN) rəsmisi Elşad Hacıyev bildirib ki, fakt araşdırılacaq və aidiyyəti üzrə tədbir görüləcək.
