“Azərsu” ASC vətəndaşlardan dələduzlardan ehtiyatlı olmağa çağırır. Bu haqda bu gün, 21 sentyabr tarixində Bakuplus.az quruma istinadən xəbər verir.
Naməlum şəxs özünü “Azərsu” ASC-nin əməkdaşı kimi təqdim edərək paytaxtın Nəsimi rayonu, 20 Yanvar küçəsi, 25, mənzil 15 ünvanında yaşayan vətəndaşdan 50 AZN götürərək onun mənzilinə 10 il müddətində sayğac quraşdırılmayacağını vəd edib. Qarşılığında dələduz abonentə Namiq Rüstəmovun adına olan kassa mədaxil qəbzini təqdim edib.
Abonentlərdən xahiş olunur ki, yaşadıqları ünvana yaxınlaşan “Azərsu” ASC-nin əməkdaşları da daxil olmaqla heç kimə nağd pul ödəməsinlər və bu kimi hallarla qarşılaşdıqda dərhal 955 Zəng Mərkəzinə məlumat versinlər.
