Bakının Günəşli qəsəbəsində yerləşən məktəbin qarşısında uşaqlara “şəhid ehsanı” adı ilə narkotik paylandığı iddia olunur. Bu haqda bu gün, 4 oktyabr tarixində Bizim.Media məlumat verib.
Bildirilir ki, məlumatı WhatsApp qruplarında şagirdlərin valideynləri yayır. Verilən məlumata görə, qara çadralı qadın uşaqlara konfet formada həblər təklif edir.
Məktəbli onu götürmək istəməsə də: “Bu, şəhidin ehsanıdır, ruhu səndən inciyəcək”, - deyərək, israrla verib. Uşaq konfeti almasına baxmayaraq, yeməyib, evə gətirib, anasına verib. Ana içindəkilərdən şübhələndiyi üçün ərazidəki polis bölməsinə gedib. Hazırda hadisə polis tərəfindən araşdırılır.
[caption id="attachment_73030" align="alignnone" width="640"]
Foto BizimMedia.az saytı[/caption]
