Paytaxtın Nəsimi rayonu ərazisində yenidənqurma işləri davam etdirilir. Bu haqda Nəsimi Rayon İcra Hakimiyyətinin mətbuat xidməti məlumat yayıb.
Səməd Vurğun küçəsi 85 saylı binanın həyətində başlanılmış quruculuq ve yenidənqurma işləri çərçivəsində binanın həyətində su-kanalizasiya xətləri yenilənib, asfalt örtüyü vurulub, yeni bordürlər və tamet daşları qoyulub, özbaşına hasara alınmış sahələrin çəpərləri sökülüb, yaşı ötmüş təhlükəli vəziyyətdə olan hündür ağaclar aqrotexniki qaydada budanaraq təhlükəsiz vəziyyətə gətirilib.
Hazırda binanın fasadında əsaslı təmir işləri davam etdirilir.
Layihəyə uyğun olaraq söhbətgahlar, uşaq oyun elementlərinin quraşdırılması nəzərdə tutulur.
Rayon İcra Başçısı aparılan işlərlə tanı olaraq tövsiyyələrini verib.
Nəsimi rayonu ərazisində məhəllə və binaların, küçə və parkların abadlaşdırılması, yaşıllıqların salınması, yolların və səkilərin əsaslı təmir edilməsi həyata keçirilən silsilə tədbirlər çərçivəsində aparılır.
[URIS id=15124]
