Paytaxtın Nəsimi rayonu ərazisində yenidənqurma işləri başa çatıb. Bu haqda 23 sentyabr tarixində Nəsimi Rayon İcra Hakimiyyətinin mətbuat xidməti məlumat yayıb.
Asif Məhərrəmov, 64 və 20 yanvar küçəsi, 4/66 ünvanlarında aparılan işlər:
- Binaların həyətində kök üstdə qurumuş və təhlükəli vəziyyətdə olan ağaclar budanılaraq ərazidən çıxarılıb;
- Hər iki binanın dam örtüyü əsaslı təmir olunub;
- Yağış sularını axıdan boru və navalçalar dəyişdirilib;
- Binanın zirzəmisində yerləşən ümumi kanalizasiya sistemində təmir işləri aparılıb;
- Binaların fasadında bərpa işləri aparılıb;
- Blokların giriş pilləkənləri təmir olunub, qapı və pəncərələr yeniləri ilə əvəz olunub;
- Həyətlərdə torpaq işləri görülüb, yaşıllıqların suvarılması üçün yeni su xətləri, yeni işıqlandırma sistemi çəkilib, yeni bordürlərin və tamet daşlarının vurulması işləri başa çatıb;
- Kiçik tullantılar üçün zibil qabları qoyulub, eyni zamanda həyətlərə asfalt örtüyünün vurulması işləri başa çatıb;
- Həyətdə əlil arabalarının rahat hərəkəti üçün panduslar inşa olunub və avtomobillərin saxlanılması üçün nəzərdə tutulmuş xüsusi yerlər ayrılıb.
Həmçinin həyətlərdə sakinlərin asudə vaxtlarının səmərəli təşkili üçün söhbətgahlar, uşaq oyun elementləri quraşdırılıb və mini-futbol meydançası yaradılıb.
