Bakı sakinləri Xırdalan istiqamətində hərəkət edən 135 nömrəli marşrut xəttindən şikayətçidir.
Bakuplus.az-ın məlumatına görə, bu barədə sakinlər sosial şəbəkədə məlumat yayıb.
Şikayətçilər bildirir ki, avtobusun hərəkət istiqamətində olan dayanacaqlar arasında məsafə çoxdur.
“Əvvəllər “Xırdalan” market adlanan yerdə dayanacaq var idi, orada saxlayırdılar və sərnişinlər düşürdü. İndi isə sürücülər Bakı Mühəndislik Universitetinin qarşısında - sonuncu dayanacaqda saxlayır. Biz sürücülərdən şikayətçi deyilik, onları qınamırıq. Çünki deyirlər ki, əgər sözügedən yerdə saxlasaq 100 AZN cərimə olunuruq”, - deyə sərnişinlərdən biri bildirib.
Şikayətçinin sözlərinə görə, bununla bağlı dispetçerə müraciət edib və cavabında “Azərbaycan Yerüstü Nəqliyyat Agentliyi (AYNA) belə tapşırıb” cavabını alıb:
“BMU-dan market deyilən yerə qədər 15-20 dəqiqəlik yoldur. Xəstəsi, yaşlısı, əli uşaqlı olan insanlar var. Sərnişinlərlə sürücüləri üz-göz edirlər”.
Sakinlər müfaviq qurumlardan tezliklə həmin ərazidə dayanacaq quraşdırılmasını tələb edir.
