Bakı şəhərində dərzi sexini su basıb.
Xezerxeber.az xəbər verir ki, Nəsimi rayonu, Hüseynbala Əliyev 14 ünvanındakı bu dərzi sexini işlədən Çiləxanım Mikayılova içəri daxil olanda şüşələri tər basdığını görüb. Dolan suya toxunanda isə məlum olub ki, maye ilıqdır. Bu isə onu deməyə əsas verir ki, obyektə dolan su istilik sistemlərindən axıb.
Ərazi üzrə mənzil kommunal istismar sahəsinin sədri Mirnazir Əliyev məsələ ilə bağlı aidiyyəti qurumları məlumatlandırdığını bildirib:
“ “Azəristiliktəchizat” Açıq Səhmdar Cəmiyyətindən deyiblər ki, problem onlara aid xətlərdə deyil. Bununla bağlı sexə dolmuş sudan analiz götürülüb”.
Məsələ ilə bağlı İri Şəhərlərin Birləşmiş Su Təchizatı Xidmətindən isə qeyd ediblər ki, həmin zirzəmidən ərazi Sukanal İdarəsinə məxsus su xətti keçmir.
Problemin xidmətlə heç bir əlaqəsi olmadığına baxmayaraq, aradan qaldırılması məqsədi ilə Sukanal İdarəsinin əməkdaşları artıq hadisə yerinə cəlb olunublar.
Daha ətraflı videosüjetdə:
