“Mənə dedi ki, bir nəfər ona pul verdiyi üçün seksual hərəkətlər edib”.
Bakuplus.az-ın əldə etdiyi məlumata görə, bu sözləri məhkəmə qarşısında evə gəlməyən arvadını boğub öldürməkdə təqsirləndirilən Adil Qafarov (ad şərtidir) deyib.
Belə ki, 1987-ci il təvəllüdlü Adil Qafarov maşınla Mərdəkan qəsəbəsinə gəlib, orada yerləşən “Bravo” marketin qarşısında təsadüfən 2012-ci il təvəllüdlü Nicat Əsgərov (ad şərtidir) ilə tanış olub. Nicata həmin marketdən içmək üçün istədiyi suyu alıb. Daha sonra maşına oturdub Şüvəlan qəsəbəsinə apararaq, tənhalıq yerdə seksual hərəkətlər edərək, cinsi əlaqədə olub.
Sonra uşağın əlaqə nömrəsini alaraq bir müddət ondan istifadə edərək, seksual hərəkətlərə davam edib.
Təqsirləndirilən şəxsə qarşı Cinayət Məcəlləsinin 150.3.3-cü (uşaqbazlıq və seksual xarakterli hərəkətlər) maddəsi ilə cinayət işi açılıb. Məhkəmə istintaqına Bakı Ağır Cinayətlər Məhkəməsində hakim Rasim Sadıxovun sədrliyi ilə baxılıb.
Məhkəmə istintaqı zamanı təqsirləndirilən Adil Qafarova ifadə vermək üçün şərait yaradılıb. O, törətdiyi əməldə özünü təqsirli bilməyərək ifadəsində deyib:
“19 fevral 2024-cü il tarixində Xəzər rayon Polis İdarəsinin əməkdaşları tərəfindən saxlanıldım. Heç kimə münasibətdə seksual xarakterli zorakılıq hərəkətlərinə yol verməmişəm. Evli qadınla yaxınlıq etməyim səbəbindən tutulmuşam. “Bravo”nun qabağında da uşaq dilənirdi və su almağımı istədi. Bu qədər, sonra bu ittihamlarla tutuldum”.
Adil Qafarovun məhkəmədəki ifadəsi ilə istintaqdakı ifadəsi ziddiyyət təşkil edib. Adil istintaqdakı ifadəsində etdiyi əməli boynuna alıb. İfadəsində göstərib ki, marketə daxil olan zaman marketin qapısının qarşısında azyaşlı oğlan uşağını görüb, ondan marketin qarşısında nə işlə məşğul olduğunu soruşub. Uşaq ona marketə daxil olan müştərilərdən pul istədiyini deyib. O, uşağa marketdən içmək üçün su alıb. Söhbət zamanı Nicat ona əvvəllər bir nəfər şəxsin ona pul verərək seksual hərəkətlər etdirdiyini deyib. Həmin sözündən sonra onda maraq yaranıb.
Məhkəmədə zərərçəkmiş şəxs qismində dindirilmiş Nicat Əsgərov ifadə verərək deyib:
“Parka gedəndə Adil avtomobilinin nasaz olduğunu dedi. Ona kömək etməyimi bildirdi. Sonra mənə “sok” alıb verdi. Daha sonra maşınla məni bir yerə apararaq seksual hərəkətlər etməyə başladı. Mənə pul verərək, maşınını sürməyə icazə verdi”.
Məhkəmədə şahidlər və zərərçəkmiş tərəflər ifadə verib. Verilən ifadələr və aparılan araşdırmalarla Adil Qafarov cinayətdə təqsirli bilinib.
Sonda məhkəmənin yekun qərarı ilə Adil Qafarov 17 il müddətində azadlıqdan məhrum edilib. O, azadlıqdan məhrumetmə cəzasını ciddi rejimli cəzaçəkmə müəssisəsində çəkəcək.
Fidan İlqar
