Bakıda üç uşaq anasının əri tərəfindən yandırılması məsələsi nəzarətə götürülüb.
Bu barədə Oxu.az-a Daxili İşlər Nazirliyindən (DİN) məlumat verilib.
"Müvafiq tədbirlərin görülməsi təmin edilir", - deyə qurumdan verilən məlumatda bildirilib.
***
15:21
Bakıda kişi üç uşaq anası olan arvadının üzərinə qaynar su töküb.
Bakuplus.az xəbər verir ki, bu barədə "Təmiz Dünya" Qadınlara Yardım İctimai Birliyinin sədri Mehriban Zeynalova sosial şəbəkə hesabında paylaşım edib.
Onun sözlərinə görə, hazırda qadın ərinin onu öldürməsindən qorxur:
“Qadın polisə müraciət edib və istintaq başlayıb. Lakin istintaq dövründə həmin şəxs azadlığa buraxılıb. Ər buraxıldıqdan sonra yoldaşının yanına gedərək uşaqları əlindən alacağı və onun həyatına son qoyacağı ilə bağlı hədələr edib”.
M.Zeynalova ona kömək olunmasını istəyib.
“Qadın işgəncədən sonra baş verən görüntüləri bizə göndərib. Çox xahiş edirik ki, ona təcili kömək olunsun”, - deyə paylaşımda qeyd olunub.
