“Zəfəran Hospital”ın ayaqyolundakı xəbərdarlıq elanı xəstəxanaya gələnlər arasında çaşqınlıq yaradıb.
Teleqraf.az xəbər verir ki, təmizliyə riayət edilməsi ilə bağlı hospitalın ayaqyolunun içərisinə vurulan elanda “Kamera nəzarəti var” cümləsi ciddi narahatlığa səbəb olub.
Ayaqyolundakı bu cümlə nəyi ifadə edir? Həqiqətən içəridə kamera varmı?
“Zəfəran Hospital”dan bildirilib ki, həmin xəbərdarlıq elanındakı yazı bir işçi tərəfindən səhvən yazılıb.
“Bu barədə müdiriyyətə bildirildi, həmin mərtəbədəki ayaqyoluna baxıldı və sərlövhə yığışdırıldı. Bu, bir işçi tərəfindən səhv yazılan yazı idi. Hazırda hospitalın daxilindəki ayaqyolunda belə bir sərlövhə və kamera yoxdur”, - hospitaldan bildirilib.
