Yeni il ərəfəsində əhalinin bir sıra ərzaq və kənd təsərrüfatı mallarına artan tələbatının ödənilməsi, xüsusilə də süni qiymət artımının qarşısının alınması məqsədilə hər il Bakı şəhərinin müxtəlif yerlərində satış yarmarkaları təşkil olunur.
Hansı ki, istehlakçılar bu yarmarkalarda həm müxtəlif ərzaq və kənd təsərrüfatı mallarını, həm də yeni il aksesuarlarını bazardakı qiymətlərlə müqayisədə daha ucuz əldə edə bilirdilər. Maraqlıdır ki, mağazalar bayrama hazır olsa da, paytaxtda yeni il yarmarkalarına hələ ki rast gəlinmir.
Xatırladaq ki, ötən il də yeni illə əlaqədar bayram yarmarkaları təşkil olunmamışdı.
Bəs bu il necə olacaq?
Bakı Şəhər Ticarət və Xidmət Departamentindən Bizim.media-nın sorğusuna cavab olaraq bildirilib ki, bu il də yeni il yarmarkalarının təşkil edilməsi gözlənilmir.
