Yasamal rayonu, Şəfaət Mehdiyev küçəsinin bəzi hissələrində səki yoxdur. Səki olan hissələrdən birini isə avtoyuma məntəqəsi zəbt edib.
Bakuplus.az-ın məlumatına görə, bu barədə Bakı sakinlərindən biri məlumat yayıb.
Onun sözlərinə görə, avtoyumanın yanından keçəndə adamın üzü, üstü su olur.
Bildirilir ki, Şəfaət Mehdiyev küçəsinin bəzi yerlərində səki əvvəldən olmayıb. Güman edilir ki, avtoyuma məntəqəsinin yerləşdiyi hissədə də səki nəzərdə tutulmayıb. Sadəcə olaraq obyekt tikiləndə qarşısında maşınların saxlanılması üçün şərait yaradılıb.
Qeyd edək ki, şəhərin başqa küçələrində də eyni problemlər yaşanır. Belə ki, bir çox avtoyuma məntəqələri piyadaların hərəkəti üçün maneə yaradır.
