Bakının Binəqədi rayonu ərazisində qaz təchizatında fasilə yaranacaq. Bu haqda bu gün, 5 aprel tarixində Bakuplus.az “Azəriqaz”a istinadən xəbər verir.
Fasilə bu gün saat 10:00-dan etibarən 7-ci mikrorayon, Abay Kunanbayev küçəsində yeraltı qaz xəttində aşkar olunmuş qaz sızmasının ləğv olunması və Biləcəri qəsəbəsi, Məlik Aslanov küçəsi ünvanında COP-29 proqramına əsasən, ortatəzyiqli qaz xəttinin dayaqlar üzərinə qaldırılması səbəbi ilə yaranacaq.
Həmin zaman rayonunun Abay Kunanbayev, Fərman Məlikov, Süleyman Sani Axundov, İlham Hacıyev küçələrində və Biləcəri qəsəbəsinin Məlik Aslanov küçəsində qaz təchizatı dayandırılacaq.
