“Bizim həyət” layihəsi çərçivəsində növbəti məhəllə əsaslı təmir olunub. Bu haqda bu gün, 21 oktyabr tarixində Bakuplus.az Azərtac-a istinadən xəbər verir.
Yenidənqurma işləri Binəqədi rayonu, Həmzə Babaşov küçəsi 12, 13, 14, 15, 16, 17, 19, 20, 21 ünvanlarını əhatə edir. Ümumilikdə 3000 sakin üçün yeni infrastruktur yaradılıb.
Ərazidə minifutbol stadionu, şahmat meydançası, idman qurğuları və uşaq meydançaları salınıb. Eyni zamanda ərazidə 4 söhbətgah, çoxsaylı oturacaqlar, zibil qutuları, quş yuvaları və pişik evləri quraşdırılıb.
Həmçinin həyətdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü yenilənib, elektrik sistemi yenidən qurulub.
Bundan əlavə, mövcud yaşıllıqların bərpası ilə yanaşı, 350 ədəd müxtəlifcinsli ağac və 3750 ədəd kol əkilib, 3000 kv.m ərazidə yaşıllıq zolağı salınıb. Bununla yanaşı, həyətin ətraflarında sıx bitən və hava çirklənməsini effektiv şəkildə azalda bilən 3050 ədəd adi daşsarmaşığı və digər sarmaşan bitkilər əkilərək “yaşıl sədlər” yaradılıb.
[caption id="attachment_117266" align="alignnone" width="640"]
Foto Azərtac.az[/caption]
