Binəqədi rayonunda dəmir yolu xətti yaşayış massivinin tən ortasından keçir. Bu haqda bu gün, 29 may tarixində Bakuplus.az ARB-yə istinadən xəbər verir.
Söhbət rayonun Çermet körpüsü, Yusifzadə adlanan küçəsindən gedir. Belə ki, dəmir yolu xətti insanların yaşadığı evlərin arasından keçir, həm də avtomobil yolunun üstüdən keçdiyindən maşınlara ciddi ziyan vurur.
Sakinlər bildirirlər ki, dəmir yolu xətti nadir hallarda işlənilir, son 1-2 ayda isə heç istifadə olunmur.
“İşləyəndə də gecə vaxtı görürsən, kiməsə 5 kisə sement lazım olur, gətirir. O, da gecə, hamının yatdığı vaxt güclü siqnal verib hamını oyadırlar”, - deyə sakinlər bildirirlər.
Dəmir Yolları və Binəqədi rayon İcra Hakimiyyəti yolun onların balansında olmadığını bildiriblər. Dəmir yolunun sonu olan tikinti şirkəti də məsələnin onlara aidiyyəti olmadığını deyib.
