Paytaxtın Binəqədi rayonunda sakinlər kanalizasiya suyunun içərisində yaşayırlar. Bu haqda bu gün, 8 may tarixində Bakuplus.az Xəzər Xəbər-ə istinadən məlumat verir.
Şikayət adıçəkilən rayonun 2-ci mədən, 52-ci korpus adlanan ərazisindən gəlir. Sakinlərin sözlərinə görə, kanalizasiya xətti tutulduğundan onlar 1 aydır çirkab su ilə dolu küçədə yaşamağa məcburdurlar. Bir çox evlərin həyətləri kanalizasiya suyunun içindədir.
“Mən 1 aydır xalamın evinə girə bilmirəm. İydən səpirik, boğuluruq. Yaşaya bilmirik”, - deyə sakinlər şikayət edirlər.
Onlar deyirlər ki, aidiyyəti qurumlara müraciət olunsa da, heç kim məsələyə baxmır.
“Azərsu”dan məsələ ilə bağlı bildirilib ki, orada müvafiq işlər aparılıb. Daha sonra məlum olub ki, sakinlər kustar üsulla kanalizasiya xətti çəkiblər. Hazırda yeni kanalizasiya xətti üçün materiallar sifariş verilib. Yaxın zamanda problem həll olunacaq.
[caption id="attachment_99607" align="alignnone" width="640"]
Foto Xəzər Xəbər[/caption]
