Binəqədi rayonunda salınan yeni massivdə yaşayan sakinlər ərazidə məktəbin olmamasından şikayətçidirlər. Onların dediyinə görə, uşaqları digər qəsəbələrin təhsil ocaqlarına üz tutmalı olurlar. Məktəbə qədər məsafə isə 5 kilometrdən çoxdur. Bu haqda bu gün, 8 iyun tarixində Bakuplus.az ARB TV-yə istinadən məlumat verir.
Sakinlər deyirlər ki, yaşadıqları massiv 2003-cü ildə salınıb. O zaman ərazidə az ailə yaşayırdı. Zaman keçdikcə yaşayış artdı və məktəblilərin təhsil problemi ortaya çıxdı. Ən yaxın məktəb 5 kilometr məsafədə, Rəsulzadə qəsəbəsindədir. Bu da 30 min əhalisi olan yaşayış massivi üçün xeyli çətinlik yaradır.
Binəqədi RİH-nin mövzudan xəbəri olsa da, torpaq sahələrinin onların balansında olmadığını bildirdilər.
Elm və Təhsil Nazirliyindən bildirildi ki, bu barədə quruma müraciət daxil olub. Təhsil ocağının tikilib-tikilməyəcəyinə ərazidəki relyefin məktəb üçün uyğunluğu hesablandıqdan sonra qərar veriləcək.
