Bakının Binəqədi rayonunda yerləşən yeni tikilmiş binada sakinlər neçə müddətdir ki, qazsız qalırlar. Bu haqda bu gün, 12 yanvar tarixində Bakuplus.az Xəzər Xəbər-ə istinadən məlumat verir.
Binada sayğaclar qoyulub, xətlər də çəkilib, amma qaz verilmir. Sakinlər bildirirlər ki, MTK-ya dəfələrlə məsələ ilə bağlı müraciət etsələr də, problem hələ ki həll olunmayıb. İstiliyə həsrət qalan insanlar mənzilləri elektrik vasitələrlə isitməyə məcbur qalıblar, bu da böyük xərclərə səbəb olur.
Problemlə bağlı MTK-dan bildirildi ki, 2 həftə ərzində binaya qaz veriləcək. Rəsminin sözlərinə görə, yubanmalar “Azəriqaz”ın qaz xətlərinin çəkilişi ilə bağlı aşkar etdiyi qüsurlarla bağlıdır. Hazırda həmin qüsurların aradan qaldırılması istiqamətində işlərə başlanılıb.
