Binəqədi rayonunda qaz olmayacaq. Bu haqda bu gün, 11 iyul tarixində Bakuplus.az “Azəriqaz”a istinadən xəbər verir.
Digah qazpaylayıcı stansiyasından qidalanan və Binəqədi yolunda qaz tənzimləyici məntəqəyədək olan daşıyıcı qaz xəttinin kipliyə sınaq olunması səbəbindən rayonun bir hissəsində qaz olmayacaq.
Məhdudiyyət 12 iyul saat 11:30-dan etibarən Biləcəri qəsəbəsi, Ordubadi küçəsi, Rasulzadə qəsəbəsi, Binəqədi qəsəbəsi, Binəqədi kəndi, Mədən ərazisi, Baksol yolu, 7-ci mikrorayonun bir hissəsi və Binəqədi şosesində 13.000 abonenti əhatə edəcək.
