Paytaxtın Binəqədi rayonu, Biləcəri qəsəbəsində yerləşən “20 Yanvar” parkı yararsız vəziyyətə düşüb. Bu haqda bu gün, 12 yanvar tarixində Bakuplus.az Baku.ws-ə istinadən məlumat verir.
Sovet dövründə yaradılan park müstəqilliyin ilk illərində təmir olunub, burada “20 Yanvar” şəhidlərinin şərəfinə abidə ucaldılıb.
Lakin son vaxtlar parkda olan ağacların çoxu quruyaraq kəsilib, qazonlarda olan otlar saralıb, oturacaqlar sıradan çıxıb. Parkı zibil bassa da, zibili yığışdıran yoxdur. Şəhidlərin xatirəsinə ucaldılan abidə də təmizlənmir.
Binəqədi rayon İcra Hakimiyyətindən bildirildi ki, park əsaslı təmir və bərpa edilən obyektlər sıyahısındadır və yaxın zamanlarda təmir olunacağı gözlənilir.
