Bakının Binəqədi rayonu, Süleyman Sani Axundov, 3a ünvanında yerləşən yaşayış binasının zirzəmisində qanunsuz obyekt açılıb. Bu haqda bu gün, 31 yanvar tarixində Bakuplus.az ARB Media-ya istinadən xəbər verir.
Bina sakinlərinin sözlərinə görə, qonşulardan biri zirzəmini qanunsuz olaraq özəlləşdirib.
“Zirzəminin qapısını özbaşına açdılar. Biz gedib şikayət etdik. Bizə dedilər ki, müvəqqəti açıblar. 3 il öncə öyrəndik ki, zirzəmiyə çıxarış alıblar”, – deyə sakinlər bildirirlər.
Onların dediyinə görə, binanın bütün kommunikasiya xətləri, istilik, kanalizasiya, su sistemləri buradan keçir. Lift nasaz işləyir, mənzillərin divarlarında çatlar yaranıb.
“Liftin elektrik lövhəsinə zirzəmidən 25 kilovat kabel birləşdirilib. Buna görə liftin qapıları açılır, amma özü qalxmır”, – deyə sakinlər əlavə ediblər.
Ətraflı videoda:
