Binəqədi rayonu, Süleyman Sani Axundov küçəsi, 191-də yol bərbad vəziyyətdədir. Bu haqda bu gün, 26 yanvar tarixində Bakuplus.az ARB-yə istinadən xəbər verir.
Belə ki, sözügedən ünvanda asfalt örtüyü dağılıb, yolda dərin quyular əmələ gəlib. Yağıntılı havada isə həmin quyular su ilə dolur və sürücülər dərinliyi görə bilmirlər. Bu da maşınlara ciddi ziyan vurulmasına gətirib çıxarır.
Sakinlərin sözlərinə görə, ərazidə su borusu var və tez-tez həmin boruda qəza baş verir. Bu səbəbdən də yol həmişə palçıq içində olur. Əvvəllər əraziyə çınqıl tökülürdü və problem qismən aradan qaldırılırdı. Ancaq son dəfə buraya qum töküblər və xoşagəlməz hal yaranıb.
