Bu gün, 21 iyun tarixində saat 10:00-dan paytaxtın bəzi ərazilərində qaz təchizatı dayandırılıb. Bu haqda Bakuplus.az Bakı Regional Qaz İstismarı Departamentinə istinadən məlumat verir.
- Yasamal rayonu, N.Nərimanov prospekti ilə F.İbrahimov küçələrinin kəsişməsində qaz quyusunda aşkar olunmuş qaz sızması ilə əlaqədar təmir işləri aparılır. Qaz təchizatı dayandırılan müddətdə N.Nərimanov prospekti, F.İbrahimbəyov, C.Cabbarlı, M.Fətəli, M.Aşurbəyli və B.Bağırova küçələrində 2500 istehlakçının qaz təchizatında fasilə yaranacaq.
- Xəzər rayonu, Buzovna qəsəbəsində yeni çəkilmiş qaz xəttinin şəbəkəyə qoşulması məqsədilə L.Bədilbəyli, R.İmanov və A.Sultanova küçələrində 6000 istehlakçının qaz təchizatında fasilə yaranacaq.
- Binəqədi rayonu, “Vorovski” yaşayış massivini təbii qazla təchiz edən qaz xəttinin kipliyə sınaq olunması məqsədilə yaşayış massivi ərazisində 1200 istehlakçının qaz təchizatında fasilə yaranacaq.
