Bakının Nəsimi rayonu, Cavadxan küçəsi, 28, 32 saylı ünvanlarında yerləşən binalarda təmir-bərpa işləri aparılır. Bu haqda bu gün, 25 aprel tarixində Rayon İcra Hakimiyyəti məlumat verib.
Binaların fasadında və istinad divarlarında əsaslı təmir işləri aparılıb, dam örtüyü əsaslı təmir edilib, yağış sularını axıdan boru və navalçalar dəyişdirilib, binanın giriş blokları təmir edilərək, qapı və pəncərələri yeniləri ilə əvəz olunub. Həyətdə kök üstdə qurumuş və təhlükəli vəziyyətdə olan ağaclar budanaraq ərazidən çıxarılıb, qanunsuz hasara alınmış çəpərlər sökülərək ərazilər sakinlərin ümumi istifadəsinə verilib.
Həmçinin həyətdə söhbətgah, oturacaqlar, uşaq meydançası quraşdırılıb, yeni asfalt örtüyü salınıb, avtomobillər üçün parkinq yeri ayrılıb.
Hazırda sözügedən ünvanda torpaq işləri görülür, bordür, tamet daşları və qazon örtüyü vurulur, yeni işıqlandırma sistemi çəkilir.
[URIS id=98334]
