Nəsimi rayonunda körpə qızı ilə dilənçiliklə məşğul olan qadın saxlanılıb. Report bu barədə Daxili İşlər Nazirliyinin mətbuat xidmətinə istinadən bu gün, 29 mart tarixində xəbər verir.
Verilən məlumata əsasən, Yevlax şəhər sakini N.Abdullayeva Nəsimi Rayon Polis İdarəsinə dəvət olunub. Araşdırma zamanı məlum olub ki, uşağın həyatı və sağlamlığı üçün təhlükə var, körpə vaxtaşırı nəzarətsiz qalıb. Uşaq müvafiq dövlət orqanlarının iştirakı ilə uşaq evinə verilib.
Həmçinin istintaq zamanı müəyyən edilib ki, N.Abdullayevanın nəzarətsiz qalan və həyatları təhlükə altında olan daha iki azyaşlı uşağı var. Qəyyumluq orqanları onları uşaq evinə vermək qərarına gəlib.
N.Abdullayeva barəsində Nəsimi RPİ-də araşdırma aparılır.
