Ötən gün ölkədə keçirilmiş “Son zəng” bayramı zamanı Bakıda məzun olan gəncin kuryer işlədiyi motosikletlə çəkilən görüntüsü gündəm olub. Bu haqda bu gün, 15 iyun tarixində Bakuplus.az məlumat verir.
"Xəbər Ertəsi" televiziya verilişində çıxış edən fotonun müəllifi olan fotoqraf Azər Azadoğlu bildirib ki, foto Binəqədi ərazisindəki məktəblərin birinin yaxınlığında çəkilib. Həmin məktəbin Vüsal adlı məzununun fotosunu fotoqraf ondan icazə alaraq paylaşıb.
"Onun atası vəfat edib. Ailədə 6 övlad - 2 qardaş, 4 bacıdırlar. Vüsal işləməyə məcbur olub. Mən ona təklif etdim ki, mənimlə çalışsın. Kuryerlik daimi iş deyil, əziyyətlidir. Əlimdən gəlsə, ona fotoqraflığı öyrədəcəyəm", - Azadoğlu deyib.
