“Doğum evində körpəyə genetik metabolik xəstəliklərin mövcudluğunu aşkar etmək üçün daban testi aparılır”.
Bu fikirləri 93 FM dalğasında yayımlanan “Sağlam radio”da pediatr Regina Nemətova bildirib.
Onun sözlərinə görə, doğuş zamanı yenidoğulmuş körpə doğum zalında dərhal neonatoloq tərəfindən müayinə olunur:
“Bu zaman körpədə anadangəlmə qüsurların olub-olmaması müəyyən edilir və Apqar şkalasına əsasən vəziyyəti qiymətləndirilir. Bütün yeni doğulmuşlara audioloji skrininq də keçirilməlidir. Doğum evindən evə yazıldıqdan sonra körpəni və ananı pediatr həkimi və patronaj xidməti tibb bacısı ziyarət edir. Əgər körpə ana südü ilə qidalanırsa, zərurət yarandıqda ana südü ilə qidalanma üzrə məsləhətçiyə müraciət olunur. Bu zaman ona laktasiya üzrə məsləhətçi dəstək göstərməlidir”.
Pediatr sonda qeyd edib ki, doğuş etmiş qadın doğumdan sonra mütləq ginekoloq tərəfindən müayinə olunmalıdır.
