Sərnişinlər 199 nömrəli marşrut üzrə hərəkət edən avtobusların intervalından narazılıq edirlər.
Bakuplus.az-a müraciət edən şikayətçi bildirir ki, hər gün istədikləri yerə gedib vaxtında çata bilmirlər. Çünki avtobuslar həddindən artıq gec gəlir.
Gözü yolda qalan sərnişinlər avtobusun əksərən, əsasən də axşam saatlarında 35-40 dəqiqə intervalla işlədiyini bildiriblər.
“Həmin dayanacaqda başqa istiqamətlərə gedən avtobuslar nizamlı, vaxtında gəlib gedirlər. Ancaq bu marşrut üzrə hərəkət edən avtobuslar çox gec gəlir. Gələndə də dolu olması səbəbi ilə avtobusa minmək qeyri-mümkündür. Evə necə gedib çatırıq, heç özümüz də bilmirik. Bu nə vaxta qədər belə davam edəcək? İnsanlar onsuz da işdən yorğun çıxır. Heç olmasa mənzil başına vaxtında gedib çataq”, - deyə şikayətçi əlavə edib.
Sevinc
