Bakı sakinlərindən biri təcili tibbi yardıma əlçatanlıqdan və xidmətin işindən şikayətlənib.
Bakuplus.az-ın məlumatına görə, şikayətçi 103 – təcili tibbi yardım xidmətinin qaynar xətti ilə əlaqə saxlamağın mümkün olmadığını bildirib:
“Azərbaycan Respublikası Səhiyyə Nazirliyinin 103 qaynar xəttinə düşmək olmur. 1 saatdan çox zəng eləmişik. Dedilər ki, gəlirik, yoldayıq. Sonra da təkrar zəng edib xəbər almaq istədikdə zəngi açan olmur”.
Şikayətçinin sözlərinə görə, həmçinin operatorlar insanlarla kobud rəftar edir.
“Bir müddət sonra zəngi xanım açdı. Deyirəm, sizi şikayət edəcəyəm. Cavab verir ki, hara şikayət edirsən, et. Yəni, insan ömrü bu qədər dəyərsizdir? Gərək nə isə olsun, məsələ qloballaşsın. Ondan sonra addım atsınlar”, - deyə şikayətçi qeyd edib.
