Azərbaycanlı model və iş qadını Diana Əhədpur Dubayda keçirilən hərraca qatılıb.
Bakuplus.az xəbər verir ki, Diananın getdiyi restoranda spirtli içkilərdən hazırlanan bir qədəh kokteyl hərraca çıxarılıb.
D.Əhədpur ən çox məbləği verərək həmin kokteyli əldə edən şəxs olub. O, dünyanın ən dəbdəbəli kokteylinə 37 500 avro (təxminən 70 min manat) ödəyib. Kokteyl 1930, 1937 və 1950-ci illərə aid olan içkilərdən hazırlanıb.
Qeyd edək ki, Diana İran əsilli biznesmen Manuçehr Əhədpurla ailəlidir. Onların bu evlilikdən bir oğlan övladı var. Diana Əhədpur daha çox sosial şəbəkələrdə bahalı həyat tərzi ilə məşhurlaşıb.
