Bakının Binəqədi rayonundakı şəhid Namiq Fərəczadə adına 100 nömrəli tam orta məktəbin sinif otaqlarından birinə şəhid jurnalist Məhərrəm İbrahimovun adı verilib. Bu haqda bu gün, 17 aprel tarixində Report məlumat verib.
Tədbirdə məktəbin müəllim və şagird kollektivi, İbrahimovun ailə üzvləri, yaxınları və ictimaiyyət nümayəndələri iştirak ediblər. Mərasim şəhidin doğum gününə həsr olunub.
İşğaldan azad olunmuş ərazilərin, Ermənistan silahlı qüvvələri tərəfindən dağıdılmış yaşayış məntəqələrinin çəkilişini həyata keçirən jurnalistləri aparan nəqliyyat vasitəsi 2021-ci il iyunun 4-də Kəlbəcər rayonunun Susuzluq kəndi ərazisində tank əleyhinə minaya düşüb.
Nəticədə iki media işçisi, o cümlədən Məhərrəm İbrahimov və bir dövlət qulluqçusu həlak olub, daha 4 nəfər müxtəlif dərəcəli bədən xəsarətləri ilə xəstəxanaya yerləşdirilib.
Azərbaycan Prezidenti İlham Əliyevin Sərəncamı ilə Məhərrəm İbrahimov 3-cü dərəcəli “Vətənə xidmətə görə” ordeni ilə təltif edilib.
[caption id="attachment_97510" align="alignnone" width="640"]
Foto Report.az[/caption]
