"Bu gün bəzi izləyicilər, xüsusən “Instagram” və “TikTok” istifadəçiləri düşünürlər ki, müəyyən verlişlər çox yüksək reytinqdədir, daim gündəmdədir. Amma əslində belə deyil. O verilişlərin işçiləri proqram yayımlanarkən materialları kəsib jurnalistlərə və sosial media səhifələrinə göndərirlər. Onlar da bunu "xəbər" kimi təqdim edirlər. Bu cür piar üsulları insanlarda yanlış təsəvvür yaradır ki, həmin müğənnilər çox məşhurdur. Halbuki, bu, sadəcə meymunluqdur. Həftədə iki dəfə eyni verilişə çıxan bu insanlar bir gün dava edib barışır, ertəsi gün biri o birinə hədiyyə verir və belə davam edir".
Bakuplus.az xəbər verir ki, bu sözləri prodüser-aparıcı Tarix Əliyev (Tolik) şəxsi hesabında paylaşdığı videoda deyib. Aparıcı televiziya proqramlarındakı saxta şoulara da münasibət bildirib:
"Öz verilişimin piarını aparsam belə, bunu belə ucuz yolla etmərəm. Efirdə baş verənləri hər yerə göndərib hamıya paylaşdırmaq mənim xarakterimə uyğun deyil. Öz piarlarını etmək üçün müğənniləri pulla efirə çağırıb qeyri-ciddi xəbərlər yaymaq – məsələn, "atası öldü", "atası qısqandı", ya da "filan problem yaşadı" kimi xəbərlər insanları bezdirir. Bu, cəmiyyətdə yalnız mənasız gündəm yaradır.
Əsl sənətkar və hörmətli müğənni ayda bir, maksimum iki dəfə efirə çıxar. Amma ayda beş-on dəfə efirdə olmaq nə deməkdir? Bu, sənətinə və şəxsiyyətinə hörmət etməməkdir. Özünüzü efirdə bu cür “əl meymunu”na çevirməyin.
Həmçinin efirdə küsüb getmək, beş dəqiqədən sonra qayıtmaq… Bu davranış nə qədər ciddi görünə bilər? İnsanlar sizi izləyərkən sizdən uzaqlaşır, nifrət hissi keçirir. Hörmətli olun! Məclislərdə pul aldığınız üçün susduğunuz, televiziyaya da hörmət etməlisiniz. Davranışınız sizə olan münasibəti təyin edir".
Daha ətraflı videosüjetdə:
@bakuplus.az"İnsanlar sizdən iyrənirlər" - Tolikdən müğənnilərə♬ оригинальный звук - BakuPlus.Az
