Əməkdar artist Qorxmaz Əlili müğənni İzzət Bağırovun adını eşitmək istəməyib.
Axşam.az xəbər verir ki, "Həftənin qonağı" verilişində aktyora İ.Bağırovla bağlı sual ünvanlanıb. Bu isə Q.Əlilinin xoşuna gəlməyib.
"Bu söhbəti yığışdıraq. Bu söhbət maraqlı deyil. İstəmirəm bu söhbəti danışmaq. Danışsam, buna iki saat vaxt çatmaz. O adama marağım yoxdur. O adam haqqında eşitmək istəmirəm" - deyə aktyor əlavə edib.
Qeyd edək ki, Q.Əlili illərdir İzzətlə küsülüdür. O bildirib ki, İzzəti efirə o çıxarıb. Amma ifaçı sonra onun etdiklərini unudub. Aktyor bildirib ki, Bağırov onun övladının toyuna belə gəlməyib.
"Vaxtilə müğənninin özünə zəng edirdim. İndi onunla əlaqə saxlamaq üçün üçüncü adama yığmalıyam. İndi məni saymırlar" - deyə Q.Əlili açıqlamasında deyib.
