Bakıda kirayə mənzil qiymətləri kifayət qədər artıb. Rieltorlar deyir ki, xüsusən mərkəzi hissələrdə bu artım daha çox müşahidə olunur. Paytaxtın Nəsimi, Nərimanov, Xətai, Yasamal rayonlarında qiymət 20 faiz artıb. Bu vəziyyət son bir ayda davam edir.
Milli.az xəbər verir ki, əvvəl 400 manata olan evlər indi 500 manatdır. Tələbat daha çox yeni binalaradır. Kirayə qiymətlərində mənzilin təmiri də əsas rol oynayır.
Əmlak məsələləri üzrə ekspert Ramil Qasımzadə bildirib ki, kirayə qiymətlərinin artması gözlənilən idi. Bu artımlar davam edəcək. Yəni, kirayə qiymətlərində azalma gözlənilmir.
Qeyd edək ki, hazırda bir otaqlı kirayə mənzillər 400 manat, iki otaqlı 500, üç otaqlı isə 600 manatdan başlayaraq kirayə verilir. Əvvəllər isə bu qiymətlər 300, 400 və 500 manat arası dəyişirdi.
