Bakının Sabunçu rayonu, Maştağa qəsəbəsində daha bir küçə asfaltlanır. Bu haqda bu gün, 20 sentyabr tarixində Rayon İcra Hakimiyyətinin mətbuat xidməti məlumat verib.
Məhəllədaxili yollar Azərbaycan Avtomobil Yolları Dövlət Agentliyi və Bakı Abadlıq Xidməti tərəfindən abadlaşdırılır.
Belə ki, eni 6 metr, uzunluğu 1450 metr olan Əli Nəzmi küçəsinə yeni asfalt örtüyü vurulub.
Qəsəbə ərazisində abadlıq işləri davam etdirilir. Aparılan abadlıq işləri çərçivəsində tarixi abidələrin bərpası, evlərin fasadlarının təmiri, kanalizasiya xətlərinin çəkilişi, küçələrin işıqlandırılması, piyada səkilərinin salınması, məişət tullantılarının toplanması, dekorativ kol və güllərin əkilməsi nəzərdə tutulub.
