Paytaxtın Sabunçu rayonu, Maştağa qəsəbəsi, Xanlar yaşayış massivi, 1-ci keçid ünvanında yollar əsaslı təmir olunur. Bu haqda bu gün, 16 sentyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Hazırda uzunluğu 1100 m olan torpaq küçəyə 12 sm qalınlığında asfalt vurulur. Daha sonra yol cizgiləri çəkiləcək, müvafiq nişanlar quraşdırılacaq.
Bundan sonra təmir-bərpa işləri qəsəbənin Mirəli Mirəliyev küçəsində də aparılacaq.
Cari il ərzində Sabunçu rayonu üzrə ümumilikdə 12,7 km uzunluğunda küçə və yolların əsaslı təmiri nəzərdə tutulub.
[caption id="attachment_70193" align="alignnone" width="640"]
Foto AAYDA-nın rəsmi saytı[/caption]
