Ətrafdakı evlər və ərazilər su içindədir. Sakinlər isə bu mənzərə qarşısında acizdirlər...
Xezerxeber.az-ın xəbərinə görə, görüntülər Abşeron rayonu Masazır qəsəbəsindəndir.
Sözügedən ərazidə “Qır gölünün” daşması nəticəsində kanalizasiya, eləcə də qrunt suları həyətlərə dolub. Su motorunun işləməməsi isə vəziyyəti daha da ciddiləşdirib.
Sakinlər bildirir ki, problem bir neçə aydır davam edir. Kanalizasiya və qrunt suları küçəyə və evlərə dolduğundan ərazidə hərəkət etmək demək olar ki, mümkünsüz hala çevrilib.
Abşeron Su və Meliorasiya Sistemlərinin İstismarı İdarəsinin baş mühəndisi Ramil İbadov problemdən xəbərdar olduqlarını deyib.
O da bildirilib ki, sakinlərin problemi qısa zaman ərzində öz həllini tapacaq.
Mövzu ilə bağlı daha ətraflı videomaterialı təqdim edirik:
