Rusiyada tanınmış müğənni Alsu məhkəmədə keçmiş bakılı əri Yan Abramova uduzub.
Bakuplus.az xəbər verir ki, Moskva məhkəməsi müğənninin keçmiş ərinin xaricə getməsinə qadağa qoyulması iddiasını təmin etməyib.
Belə ki, 41 yaşlı müğənni iş adamı Y.Abramovun hərəkətlərinin məhdudlaşdırılmasını tələb edərək, bunu ona olan borc öhdəlikləri ilə izah edib.
"Moskvanın Çertanovski Rayon Məhkəməsinin qərarı ilə Alsu Rəlifovna Abramovanın inzibati iddiası təmin edilmədi", - Moskvanın ümumi yurisdiksiya məhkəmələrinin “Telegram” kanalı xəbər verir.
Xatırladaq ki, 2024-cü ilin avqustunda rəsmi olaraq boşanan cütlük indi əmlak bölgüsü ilə bağlı məhkəmədədirlər. Milyonçu Yan Abramovun vəkili daha əvvəl bildirib ki, iş adamı keçmiş həyat yoldaşına 2,5 milyard rubl təzminat təklifini irəli sürüb. Ancaq Alsu bundan imtina edib.
Belə ki, müğənni Abramova qarşı bir neçə məhkəmə iddiası qaldıraraq ondan bir neçə mülklərin verilməsini tələb edib.
Qeyd edək ki, cütlüyün bu evlilikdən iki qız və bir oğlu var.
