Bakıdakı bir çox restoranlarda menyuların xarici dildə təqdim olunması halları ilə tez-tez rastlaşırıq. Mərkəzi küçələrdə yerləşən restoranların bir hissəsi qonaqları əsasən xarici turistlər olduğundan, yaxud başqa səbəbdən menyularında Azərbaycan dilinə yer verməməyi üstün tuturlar. Bildiyimiz kimi martın 1-dən etibarən Ramazan ayı başlayıb. Bu müqəddəs ayda oruc tutanlar üçün müxtəlif restoran və kafelər iftar menyuları hazırlayır. Ancaq təəssüf ki, hətta həmin menyular da xarici dildə təqdim olunur.
Bakuplus.az saytına müraciət edən Bakı sakini bildirir ki, şəhərdə iftar etmək üçün bir neçə tanınmış məkana daxil olduqda eyni hal ilə qarşılaşıb.
Şikayətçi müştəri iftar menyusunu Azərbaycan dilində tələb etdikdə isə “yoxdur” cavabı alıb.
“Belə çıxır ki, iftara gələnlər ancaq turistlərdir?”, - deyə müştəri bildirib.
Onu da qeyd edək ki, bu kimi hallar “Azərbaycan Respublikasında dövlət dili haqqında” Qanunun birbaşa pozulmasıdır və bu, bir çox vətəndaşı ciddi şəkildə narahat edir.
Restoranlardan ikisinin menyusunu təqdim edirik:
