Paytaxtın Nəsimi rayonu, Asif Məhərrəmov, 31 ünvanında abadlıq-quruculuq işlərinə başlanılıb. Bu haqda bu gün, 20 dekabr tarixində Bakuplus.az rayon İcra Hakimiyyətinə istinadən xəbər verir.
Yenidənqurma işləri çərçivəsində həyətdə qurumuş və təhlükəli vəziyyətdə olan ağaclar budanıb. Hazırda yağış sularını axıdan boruların dəyişdirilməsi, dam örtüyünün əsaslı təmiri, binanın fasadının bərpası işləri görülür.
Daha sonra asfalt örtüyünün vurulması, söhbətgah və oturacaqların quraşdırılması, eləcə də müxtəlif növ uşaq və idman meydançalarının yaradılması nəzərdə tutulub.
Bundan əlavə, paralel olaraq rayonun digər ərazilərində də təmir-bərpa işləri aparılır.
