Nəsimi Rayon İcra Hakimiyyətinin Başçısı səyyar qəbul keçirib. Bu haqda 30 mart tarixində Nəsimi rayon İcra Hakimiyyəti məlumat verib.
Nəsimi RİH Başçısı Asif Əsgərov 4-cü mikrorayon, 20 Yanvar küçəsi 7a ünvanında sakinlərin müraciətlərini dinləyib. Həmçinin H.Seyidzadə küçəsi, H.B.Əliyev küçəsi, Mir Cəlal küçəsi, Cavadxan küçəsi ərazilərində yaşayan sakinlər səyyar qəbulda öz müraciətlərini ünvanlayıblar.
Qəbulda dam örtüyünün təmiri, mənzilin sənədləşdirilməsi, həyətin abadlaşdırılması, ümumi həyətdən qanunsuz çəpərlərin yığışdırılması, liftin təmiri, kanalizasiya xəttinin təmiri, qəzalı ağacın götürülməsi barədə müraciətlərə baxılıb.
Tədbir zamanı sakinlərə Nəsimi rayonunda, xüsusilə mikrorayonlarda aparılan quruculuq, abadlıq işləri barədə məlumat verilib.
Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verib.
