Nəsimi rayon İcra Hakimiyyətinin başçısı səyyar qəbul keçirib. Bu haqda 27 aprel tarixində Nəsimi rayon İcra Hakimiyyəti məlumat verib.
Nəsimi RİH başçısı Asif Əsgərov 1-ci mikrorayon, A.Məhərrəmov küçəsi 45 ünvanında səyyar qəbul keçirib, sakinlərin müraciətlərini dinləyib. Mikrorayonda, o cümlədən A. Məhərrəmov, 20 Yanvar, R. Məmmədov, Cavadxan küçələri, Moskva prospekti ərazilərində yaşayan sakinlər səyyar qəbulda iştirak ediblər.
Qəbulda mənzil şəraitinin yaxşılaşdırılması, işlə təmin olunma, təhlükə yaradan ağacın götürülməsi, asfalt örtüyünün bərpa olunması, köhnə kommunal borcun silinməsi, məişət tullantıları konteynerlərinin qoyulması barədə müraciətlərə baxılıb.
Tədbir zamanı sakinlərə Nəsimi rayonunda, xüsusilə mikrorayonlarda aparılan quruculuq, abadlıq işləri barədə məlumat verilib.
Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilib.
[caption id="attachment_42319" align="alignnone" width="640"]
Foto Nəsimi rayon İcra Hakimiyyətinin rəsmi saytı[/caption]
